Тогтоол захирамж

ЗӨВШӨӨРӨЛГҮЙ ТООСГОН ГАРААШУУДЫГ БУУЛГАЖ, ХҮҮХДИЙН ТОГЛООМЫН ТАЛБАЙ БАРИНА

Баянгол дүүргийн 6-р хорооны Орчлон 51 53-р байр, мөн 40-р байрны оршин суугчдын хүсэлтийн дагуу хүүхдийн тоглоомын талбайг дүүргийн төсвөөр барихаар болж ийнхүү газар чөлөөлөх ажил эхэллээ. Энэ ажлыг дүүргийн Засаг даргын захирамжаар Газар зохион байгуулалтын алба гүйцэтгэж байна. Газар чөлөөлсний дараа зураг төсөл нь гарч, тоглоомын талбайг барих юм.

Энд харагдаж буй 19 тоосгон гарааш, төмөр контейнер нь зөвшөөрөлгүй бөгөөд эзэмшигчид нь мөн тоглоомын талбайтай болох саналыг дэмжиж нийтийн эзэмшлийн зам талбайг чөлөөлж өгч байна. 2018 онд тус хороонд 32 тоосгон гараашыг мөн буулгаж хүүхдийн тоглоомын талбай, ногоон байгууламжийг дүүргээс хийж байсан юм.  

ФОТО МЭДЭЭ 2020-05-07

БАЯНГОЛ ДҮҮРГИЙН ЗАСАГ ДАРГЫН САНААЧЛАГААР ГЭР ХОРООЛЛЫН ОРШИН СУУГЧДЫН НҮХЭН ЖОРЛОНГ АРИУТГАЖ БАЙНА

Баянгол дүүргийн Засаг даргын санаачлагаар болон  А/179 захирамжын дагуу  COVID-19 вирусаас урьдчилан сэргийлж, 20, 22, 23, 10, 16, 7, 9 дугаар хороодын нутаг дэвсгэрт амьдарч буй өрх айлуудын нүхэн жорлонд ариутгал хийж байна.
Мөн Корона вирусын эсрэг ариун цэвэр халдваргүйжүүлэлтийн ажлууд дүүргийн зүгээс шат дараатайгаар зохион байгуулж хорооны гудамж талбай үүсмэл хогийн цэгүүд болон айл өрх аж ахуйн нэгжүүдээр байнга хийгдэж байна.


 

ФОТО МЭДЭЭ 2020-04-13