Албан бус насан туршийн боловсрол олгох

Байгуулах шийдвэр:

Баянгол дүүргийн  АБ-Насан туршийн боловсролын  төв нь 1996 оны  Монгол   Улсын Засгийн Газрын 116 дугаар тогтоол БГД-ийн засаг даргын 1999 оны А/83 тоот захирамжаар   1999 онд албан бус боловсролын “Гэгээрэл” хөгжлийн төв нэртэйгээр байгуулагдан үйл ажиллагаагаа эхлүүлсэн  бол Боловсрол шинжлэх ухааны сайдын  2013 оны 6-р сарын 19 ны өдрийн А/242 тушаалын 1-р хавсралтаар БГД-ийн АБ-Насан туршийн боловсролын төв болон үйл ажиллагаагаа явуулж байна

Үйл ажиллагаа:

Албан бус-Насан  туршийн боловсролын төв нь сургууль завсардсан хүүхэд залуучуудад дүйцсэн хөтөлбөрийн сургалт болон бүх насны иргэдэд амьдралын чанарыг нь сайжруулах зорилгоор хэрэгцээ шаардлагад нь тулгуурлан насан туршийн боловсролын 5 чиглэлийн сургалтын үйл ажиллагаа зохион байгуулдаг.

• Дүйцсэн хөтөлбөрийн сургалт

  Сургууль завсардсан 7-45 насны хүүхэд, залуучуудад дүйцсэн хөтөлбөрийн сургалтаар боловсрол нөхөн олгох сургалт зохион байгуулдаг.

  1. Бага боловсрол нөхөн олгоно. /Танхимаар/
  2. Суурь боловсрол нөхөн олгоно. /Насны байдлыг харгалзан үзэж танхимаар болон бие даасан хэлбэрээр/
  3. Бүрэн дунд боловсрол нөхөн олгоно. /Зайгаар болон бие даасан хэлбэрээр/
• Амьдрах ухааны сургалт

  Ажил мэргэжилгүй иргэдэд  мэргэлжийн чиг баримжаа олгох зорилгоор:

  1. Эсгий урлалын  1 сарын сургалт
  2. Англи хэлний анхан шатны 1 сарын сургалт
  3. Компьютерийн анхан шатны 1 сарын сургалт
  4. Бичиг үсэг үл мэдэгч болон бага мэдэгч иргэдэд бичиг үсгийн хавар намрын 2 сарын сургалт               
• Гэр бүлийн боловсрол олгох сургалт

  Гэр бүлийн амьдралын чанарыг сайжруулах зорилгоор:

  • “Гэр бүлийн талаархь суурь мэдлэг, монгол гэр бүлийн харилцааны уламжлал”
  • “Хайр, ханиа сонгох, гэрлэлт”
  •  “Нөхөн үржихүйн эрүүл мэнд”

   Залуу гэр бүлүүдэд:

  • “Эхнэр, нөхрийн үүрэг хариуцлага”
  •  “Хүүхдийн хүмүүжил”
  •  “Гэр бүлийн хүчирхийлэл”
  •  “Өрхийн төсөв, санхүүгийн зохицуулалт”

  Дунд насны гэр бүлд

  • “Гэрлэлтийн дархлааг сайжруулах “Х” витамин”,

   Ахмад насны гэр бүлд

  • “Эрүүл мэндээ хамгаалах” зэрэг сургалтуудыг зохион байгуулдаг.
• Иргэний боловсрол олгох сургалт

  Дүүргийн иргэд, албан хаагчид, оюутан, сурагчдын нийгмийн хариуцлагыг нь ухамсарлуулах зохилгоор:

  1. «Хүүхдийн эрх үүрэг”
  2. “Тамхины хор уршиг”
  3. “Бид нэг дэлхий /хөрс, усны үнэ цэнэ/”
  4.  “Гудамж талбайд биеэ зөв авч явах соёл”
  5.  Замын хөдөлгөөнд зөв оролцох”
  6. “Согтуурлаас үүдсэн хор уршиг” зэрэг сургалтуудыг зохион байгуулдаг.
• Ёс суртахуун төлөвшлийн сургалт

  Хүн бүр өсвөр залуу насандаа амьдралын утга учирыг танин мэдэж, цаашдын зорилгоо зөв тодорхойлох зорилгоор:

  1. “Архи тамхины хор уршиг”
  2. ”Шийдвэр гаргалт”
  3.  ”Харилцааны зөв хандлага”
  4. ”Стресс”
  5. “Зөв хандлага”
  6. “Сэтгэл санааны хямралаас гарах нь”
  7. ”Үерхэл нөхөрлөл түүнийг ойлгох нь” гэх мэт сургалтуудыг зохион байгуулдаг.
• Гоо зүй мэдрэмжийн боловсрол олгох сургалт

  Иргэд, хүүхэд, залуучуудад гоо зүйн мэдлэг олгох зорилгоор:

  1.  “Мөнхийн залуу амьдрал” ахмадын хөгжмийн сургалт
  2. “Хор уршигтай гоо сайхны бүтээгдэхүүн”
  3. “Тамхины хор уршиг”
  4. “Бид нэг дэлхийтэй”
  5. “Эрүүл гоо сайхан байхын тулд залхуурч болохгүй зүйлс”
  6. “Тасалгааны цэцгийн арчилгаа”
  7. ”Мод хэрхэн тарих”
  8. ”Охидод өгөх зөвлөмж”
  9. ”Эерэг сэтгэлгээ” гэх мэт сургалтуудыг явуулдаг.​​​​​​