14-р хороо

Мэдээг хуваалцах

Танилцуулга

 Баянгол дүүргийн 14 дүгээр хороо нь 1979 онд 3 дугаар хороололд Октябрийн районы 26 дугаар хороо нэртэйгээр анх байгуулагдсан бөгөөд 1992 онд  Монгол улсын засаг захиргаа нутаг дэвсгэрийн нэгж, түүний удирдлагын тухай хуулийн дагуу Баянгол дүүргийн 14 дүгээр хороо болон өөрчлөгдөн одоог хүртэл  иргэдэд  төрийн анхан шатны үйлчилгээг үзүүлэн ажиллаж байна.

 Тус  хорооны  13,9 га газар нутагт 1098 өрхийн  4417 хүн ам оршин суудаг, хүн амын тоо, газар нутгийн хэмжээгээр бусад хороотой харьцуулахад бага боловч хотын “А” зэрэглэлд байрлалтай, худалдаа үйлчилгээний төвүүдийн орчимд байрласан онцлогтой хороо юм.

Баянгол дүүргийн 14 дүгээр хороонд 206 аж ахуйн нэгж, байгууллага 27 чиглэлээр үйл ажиллагаа явуулж байна.

Номин электроникс, Номин плаза дэлгүүр, Ачлал их дэлгүүр, Нарлаг их дэлгүүр, Апекс их дэлгүүр, Түмэн плаза дэлгүүр, Улаанбаатар банк, Голомт банк, “Сөөхий” гутлын зах, “Теди-3” зэрэг худалдаа үйлчилгээний томоохон төвүүд ажилладаг.

Хорооны нутаг дэвсгэрийн өдөр тутмын аюулгүй байдал, амгалан тайван байдлыг ханган гэмт хэрэг зөрчлөөс урьдчилан сэргийлэх чиглэлээр хорооны хэсгийн байцаагч-1, хорооны цагдаа -1, олон нийтийн цагдаагийн ажилтан-1, хэсгийн ахлагч-5, гэмт хэргээс урьдчилан сэргийлэх зөвлөл, хамтарсан багууд ажиллаж байна.

Үе үеийн Засаг дарга нар:

  1. Ц.Бор 1979-1990 он
  2. Б.Сэржмядаг 1990-2006 он
  3. Ш.Нарангэрэл 2007-2012
  4. Д.Нансалмаа 2012-2015
  5. Р.Батнасан 2016 оноос одоог хүртэл  ажиллаж байна.